E kansion “Hello” di Adele ya pa un temporada kaba ta wòrdú konsiderá komo un di e hitnan di momentu. Entretantu diferente artistanan i agrupashonnan musikal rònt mundu a interpretá e kansion aki den nan propio estilo. Nos mes kantante kurasoleño Tamara Nivillac tin un bunita vershon di e kansion aki na Papiamentu. E kansion lo wòrdú lansá ofishalmente riba djaluna akompañá pa un videoclip.

Tamara a skucha “Hello” di Adele i tabata sa imediatamente ku e kansion aki lo zona bon den su lenga materno, Papiamentu. Di un manera espontaneo el a graba e kansion, kual e mes a tradusí na Papiamentu. Stanley Clementina a keda enkargá ku e parti musikal i di mixing. E kansion a wòrdú hinká den un bachi diferente kaminda e influensianan di nan “roots” ta bini klaramente dilanti.

E videoclip tabata den man di Caribbean Legacy ku a hasi un bunita trabou.

Algun aña pasá Tamara a tuma parti na e proyekto titulá “Popiamentu”, un proyekto pa stimulá artistanan lokal pa skirbi i kanta den nan mes lenga. Nos mes idioma por zona hopi internashonal, esei bo ta tende tambe na e “cover” aki. Mi ta kontentu di por aportá maske ta un granito chikitu na realse i promoshon di nos idioma Papiamentu riba plataforma internashonal.

Link:https: https://www.youtube.com/watch?v=L-3D9o2Efxs