WILLEMSTAD, Kòrsou- yüli 2015: Si bo tabata tin e posibilidat di traha e outo di bo soño, lo bo no a basilá! Esaki riba su mes ta un soño kaba; den luna di Aprel Digicel a kuminsá ku un kampaña “Build your dream car game” ku a pone tur hende aribabou. Tur kliente tabata tin chèns di partisipá i gana un Mitsubishi Attrage 2015. “E outo tin un doño nobo; nos ta masha kontentu di por entregá e outo aki, despues di 3 luna ku tur hende a pasa atmir’é dilanti di nos edifisio na Biesheuvel”, esaki di akuerdo ku sr. Hans Lute direktor di Digicel Kòrsou. Tabata djaluna dia 6 di yüli ku Norman Rooi a risibí e yabinan di su outo nobo for di Marketing Manager di Digicel Kòrsou sra. Shayenne Rock. 

Partisipashon tabata fásil; mester a ‘text’ (SMS) e palabra “BUILD” na 7171, kada SMS a kosta 1 florin. Na momentu ku e kliente SMS e palabra “BUILD” e ta risibí un ‘token’ pa su partisipashon. E ophetivo tabata pa kolektá mas tantu ‘piesa di outo’ i asina traha e outo di bo soño. Mas SMS bo manda, mas ‘token’, mas punto i mas chèns di kai den premio. Mester bisa ku e partisipantenan a batayá fuerte pa figurá den ‘Top Ranked’ i asina oumentá nan chèns di gana e bunita Mitsubishi Attrage 2015. Djamars dia 30 di yüni último, tabata último dia pa partisipá. Komo di dos premio Digicel a pone un suma di $1,000 disponibel; Judeska de Jesus a keda na di dos lugar den e “Build your dream car game” i ta bai kas ku e montante.

Digicel ta felisitá ámbos ganador di e “Build your dream car game” i ta sigui motivá tur kliente pa partisipá den e diferente weganan di ‘Text 2 Win’ di Digicel. Tur luna tin premionan realmente atraktivo pa gana, for di telefon selular, krédito pa yamada, paketenan di data i te hasta un outo! No únikamente e ta benefisioso p’abo ta un usuario di Digicel pero partisipando na e kampañanan bo tin chèns di ta un ganador tambe!