Levi Silvanie ta introdusí ‘Sigui Stima’ (feat. Willem Blankenburgh)

E prome tononan di Sigui Stima no ta parse un kantika komun di Levi Silvanie. E piesa nobo di un di Kòrsou su artistanan mas gustá, kual a ser krea huntu ku e gitarista virtuoso Willem Blankenburgh, tin un komienso refreskante. P’e piesa nobo aki Levi a uni forsa ku produktor Oscar Bor pa eksplorá e mundu di musika elektroniko. No opstante e estilo nobo di zonido e piesa tòg tin tur e ingredientenan uniko di Levi I tipifiká un etapa nobo den su karera musikal. Tur kos a kuminsá 10 aña pasá duranti un ‘’jam session’’ na De Tropen. Akinan Levi a topa ku Willem pa promé bes. Imediatamente a surgi e nesesidat pa kolaborá un dia. Den e emsun period aki Levi a skibi e gran parti di e kansion Sigui Stima . PEro Levi a haña ku e kansion falta algu I pa e motibu aki nunka e no grab’é. Esaki a kambia resientemente ora Levi a haña inspirashon pa kaba di añadí n’e teksto eksistente. E piesa nobo ta kontené pasadanan di un buki di mucha ku Levi lo publiká pronto. E pasada aki a bira e ‘’hook’’ ku ta kompleta e piesa.
Sigui Stima ta deskribí e nesesidat pa tin amor den bo bida. Amor den su esensia puru ta bin di e nesesidat pa duna, no tuma. Maske bo sigui bo soñonan pa tin rikesa I eksito, sin amor, bo bida lo no ta kompletu. Maske kiko bo hasi, Sigui Stima. Aworaki ta e momentu adekua pa lansa e piesa nobo. “Na komienso di 2016 Kòrsou a sera sakudí pa varios tiroteo,” Levi ta komentá. “Na un di nan un futuro mama hoben a ser asesiná. Kon nos por biba asina ku otro? Kiko lo para pa nos yunan mañan? Pakiko tantu rabia? Kosnan asina’ki ta konmovemi. Müzik ta dunami forsa pa dil ku situashonnan asina’ki. Ku müzik mi ke duna algu bèk na mi pais.” Levi ta splika, “skucha Sigui Stima or abo ta tristu. Epiesa ta kuminsa trankiol pa despues krese den un sintimentu positivo. Sigui Stima ta kòrdabu rib abo metanan den bida I ku bo tin amor.” Sigui Stima lo wòrdu toká na tur emisora di radio. Skucha Sigui Stima live di 27 di Mart durante Sigui Stima Documentary Concert ! Pa pregunta: holla@levisilvanie.com