WILLEMSTAD:-  Digicel semper pensando inovativo i e manera mas efisiente pa e kliente por hasi uso di kada servisio ku ta keda ofresé  ta introdusí un manera nobo i fásil pa aktivá data. Awòki, dor di imprimí un kódigo simpel e kliente por selektá e plan di data ku e ta deseá.  Digicel ta simplifiká i mehorá e menú di aktivashon di su data plan pa servisio prepago ku e kódigo *123# , na mes momentu ta introdusí un manera mas fásil pa sigui e instrukshon. Klientenan por simplemente primi *123# siguí pa “send” i sobrá instrukshon.  E sistema nobo ta ofresé uso mas agradabel i kontrolabel di data; por aktivá kualke plan di data na kualke momentu di dia. Digicel a eliminá e plan “pay as you go” i awó klientenan mester aktivá un plan di data pa e por hasi uso di data riba e ret di 4G.  Si e kliente skohe pa no tin un plan di data esaki ta nifiká ku e kliente lo no por hasi uso di e servisio di data kual ta pone ku e kliente lo no tin ningun gastu di sorpresa. Huntu ku e kambionan aki Digicel ta lansa un plan di data diario, awó- pa únikamente NAf. 1.99- klientenan tin 30MB di data ku por wòrdu usá pa dia, pa nan por Chat i App ki ora ku ta, na unda ku ta!  Ku e plan di data nobo (pa sea un -òf mas dia) i e opshon di *123# Digicel ta yuda su klientenan pa deshasí di gastunan èkstra. Na momentu ku e kliente su MB kaba e akseso na data ta wòrdu kanselá inmediatamente i reaktivashon ta nesesario maske e plan di data mes no a ekspirá ainda. E momentu ku e kliente aktivá su plan di data di nobo e lo por sigui hasi uso di Digicel su ret di 4G. Digicel Kòrsou ta invitá su klientenan pa eksplorá e opshonnan nobo pa uso di data i disfrutá di e mihó den telekomunikashon ku un plan di data mehorá, mas kontròl di uso i sin niun gastu èkstra òf di sorpresa.  Pa mas informashon bishitá e wepsáit http://www.digicelcuracao.com òf yama sentro di servisio pa kliente na number +5999 7360156 òf 145 grátis for di bo selular di Digicel. Por komuniká tambe via Facebook https://www.facebook.com/DigicelCuracao.