WILLEMSTAD: ‘Digicel Zero’ a yega Kòrsou, despues ku merkado di Boneiru a lansa esun di dje den luna di yüni último, Kòrsou ta klá pa risibí tur e benefisionan ku e pakete aki ta trese kuné. “Nos klientenan tabata wardando e produkto aki, pero nos a tuma nos tempu pa ofresé Kòrsou un pakete yen di benefisio i difísil pa igualá. Digicel no únikamente ta e proveedor di komunikashon mas kresiente den merkado pero tambe ta konosí komo inovador den komunikashon mobil den nos region. Komunikashon ta nos prioridat, ta pesei deligentemente ta traha tambe pa mantené tur hende konektá ku e mihó tarifanan tantu pa yamada komo pa ‘data’. Awe nos ta lansa nos produkto ‘Digicel Zero’ spesialmente pa tur kliente pre-paid na Kòrsou”, esaki di akuerdo ku Hans Lute, Direktor Digicel Kòrsou. Awó, klientenan di Digicel por apliká pa ‘Digicel Zero’ un pakete pre-pago di 1 dia ku ta inkluí 100Mb data, hasi yamada grátis riba e ret di Digicel pa Aruba, Boneiru i Kòrsou (ABC), Whatsapp i Facebook grátis! ‘Digicel Zero’ ta kosta únikamente 6 florin.
Awòki ta bira posibel pa hasi yamada di Digicel pa Digicel grátis entre Kòrsou, Boneiru i Aruba. E pakete aki ta ideal pa tur persona ku ta deseá di keda konektá ku famia i amigunan entre e islanan. Plùs por usa Whatsapp & FB grátis henter dia. NOTA: si bo data kaba, bo por sigui usa Whatsapp i Facebook grátis. “Digicel Zero ta un produkto nobo ku ta brinda opshonnan kumbiniente na e kliente pre-pago. “Nos tei pa entregá e mihó kontenido, mihó servisio i mas balor na e kliente. Ta nos meta pa keda ofresé klientenan produktonan úniko i kompetitivo na preis”, asina Hans Lute, Direktor Digicel Kòrsou a tèrminá.
Apliká awe mes pa ‘Digicel Zero’ yamando *123# of via di ‘My Digicel App’. E plan aki ta duna e kliente 100MB di data 4G – bon spit pa kompartí potrèt, sùrf riba Internet, chat riba Whatsapp, download i mantené bo mes na altura di tur desaroyo riba Facebook. Digicel ta ofresé konekshon i uso riba e plataforma di Social Media mas grandi na mundu- grátis! Bishitá kualke establesimentu of diler di Digicel pa mas informashon òf konsultá e websáit www.digicelcuracao.com pa tèrmino i kondishonnan di ‘Digicel Zero’.