Di dos edishon organisá pa BOLD Content Agency.

WILLEMSTAD – Pa di dos aña konsekutivo, BOLD Content Agency ta bai hasi tres studiante kontentu ku un kontrol di tésis grátis durante nan kampaña NO MAS dropouts.

Nos ta na inisio di un tremendo aña eskolar. I pronto, un otro grupo di studiante mas ta finalisá un kapítulo importante den nan bida, na momentu ku nan risibí nan diploma den nan man. Promé ku yega na e parti aki, mayoria studiante tin di skibi un tésis promé ku nan por graduá. Nos ta konsiente ku skibi un tésis no ta mesun fásil pa tur studiante. Sinembargo, BOLD Content Agency ta hopi bon konosí bou di studiantenan danki na su servisio pa revisá tésis. Nos ta tene kuenta ku entre otro uzo di idioma, originalidat di kontenido, struktura, i tambe duna guia na esunan ku mester di un èkstra empuhe.

Mirando e difikultat ku por eksperensiá i alabes e importansia di un tésis, nos ta bai fasilitá tres studiante ku kontrol riba kontenido di nan tésis. Durante e kampaña NO MAS dropouts, nos ta bai selektá un ganadó pa e lunanan di sèptèmber, òktober, i novèmber. Pues na tur ta bai tin tres diferente ganadó. Kada luna partisipantenan tin e oportunidat di forma parti di algun aktividat ku chèns di bira e felis ganadó di NO MAS dropouts. Kualke un miembro di famia òf amigu/a tambe por partisipá. Dado kaso ku resultá ku e ganadó no ta un studiante, e persona ku a gana por regalá esaki na un persona ku si ta gradua e aña eskolar aki.

BOLD Content Agency ta hopi satisfecho di por asistí tur individuo ku ta serka di gradua ku nan tésis. Nos ta aun mas kontentu pa tur nos klientenan ku a logra aña pasa i a sa di gradua ku honor. Pa nos e mihó forma pa ekspresá nos alegria ta pa sigui kontribuí ku desaroyo di ENSEÑANSA di nos komunidat. Promé ku kada ganadó entrega nan tésis na skol, nos ta sòru pa e kontenido ta den konteksto, sin eror, i ku bon formulashon di frase.

Pa mas detaye tokante e kampaña bishitá nos página di Facebook: BOLD Content Agency.