WILLEMSTAD- Djaluna 15 yanüari, kontrolnan a keda hasi na supermerkado Van Den Tweel, Kaya Jacob Posner 28 Zeelandia. Esaki den kuadro di kontrolnan anual i tambe kehonan ku a drenta.

Mas o ménos 15.15 e tim multidisiplinario a akudí na e supermerkado ariba menshoná pa asina kumpli ku nan trabounan regular di kontrol riba e diferente establesimentunan. Den e kaso aki Van Den Tweel tabata un di nan. En total a kontrolá 24 diferente produkto riba; ’Winstmarge” (Nr.4485/JAZ dd. 24 yüni 1968) ‘’Prijsaanduiding” (AO 2016 Nr.35) Makutu Básiko.(PB 2012 Nr. 52) Durante e kontrolnan ariba menshoná no a enkontra ningun violashon di lei manera ta keda menshoná den medionan di komunikashon. Tim multidisiplinario ta lamentá ku  tin kosnan robes ta keda publiká. Tim Multidisiplinario ta purba hasi nan trabou mas korekto ku ta posibel na bienestar di komunidat di Kòrsou.