Si bo a eksperensiá e lucha kontra di e malesa kanser di un ser stimá òf si abo mes a pasa den esaki, lo bo sinti e sentimentu di “duna bek”. Si bo kier hasi un donashon pa yuda aliviá e karga finansiero ku e malesa aki ta trese kuné bo por kontribuí na un ‘fundraising”. Si dado kaso bo ke yuda ku algu ku NO tin di haber ku sèn, donashon di bo kabei ta un opshon. No ta un sekreto ku e pashènt ta pèrdè sea tur su kabei òf gran parti durante chemo – terapia. Esaki pa hopi ta trese un ‘strès’ èkstra den e lucha ku nan ta hiba. Pa aliviá esaki ta konosí ku mundialmente hendenan ku tin un kabei sano ta hasi donashon di esaki. Ántes no por a hasi donashon di kabei pa pashènt nan di kanser aki na Kòrsou. Ku eksistensia di NINA Wig Studio esaki a bira posibel. Último luna nan nos a bini ta risibí donashon di kabei di i djasabra 13 di òktober próksimo pa 6’or di atardi riba Brionplein promé ku e Fun Walk di FSR, sea bo por trese e kabei kòrtá kaba òf bo por laga nan kòrta esaki na e momentu ei serka un profeshonal den e ramo aki.

Pa hasi e donashon di kabei tin algun eksigensha:

– E Kabei mester ta limpi labá i seká. Despues di laba e kabei, NO uza niun produkto aden manera hairspray, gel òf mousse.

– Kabei mester ta den un flèktu na momentu di kòrta esaki. Kabei ku a wòrdu feitá na mashin no por wòrdu uzá. Manera kòrta e kabei mester hink’é den un “ziploc bag”.

– E flèktu mester ta por lo ménos 10 inch . Kabei ku tekstura krùl tambe por wòrdu aseptá. Kòrda trèk esaki promé ku korte, pa midi si e ta 10 inch òf mas.

– Kabei di ‘bleach’ inkluso di ‘highlights’ no por ser aseptá.

– Pa motibu di privasidat, nos no por divulgá e pashènt ku lo risibí e donashon su identidat.

Pa mas informashon tokante donashon di kabei pa pashènt nan di kanser, por tuma kontakto ku Nina na telefon  +5999-5217793. NINA Wigs Studio i Fundashon Sinta Ros ta gradisí kada un persona pa hasi ku nan kabei un otro persona felis.