Willemstad, dia 2, 3 i 4 di yüni La Tentashon lo tin “Never Have I Ever” mitar di ocho di anochi. Un obra traha pa Tara-Rizzo Joosse & Sophie van Broekhoven for di Hulanda.

Tara-Rizzo Joosse & Sophie van Broekhoven ta studiante di teater na Amsterdam University of the Arts. Nan a bin komienso di mei pa traha riba un presentashon ku hóbennan di Kòrsou.

Durante un luna largu 15 hóben entre 15 pa 28 aña di edat a traha intensivamente ku e dos studiante nan aki i krea un presentashon titula “Never Have I Ever”. E ta bai tokante di un grupo di hende ku den komienso kada ken ta individual i tin nan mes karakter pero pa motibu di e sistema sosial nan tur ta bira mes un kos. E no ta e obranan normal ku nos yu di Kòrsou konosé pero lo ta great pa eksperensi’é. Un otro forma di hasi teater.

Ku presentashon di: Julien Tuast, Lusideney Castillo, Frejeany Daal, Nathaly Maduro, Jordienne Martis, Lilimar Valencia, Michelle Kunst, Christefer  Rondei, Rudley Sambo, Shanuska Schoop,  Rico  Bangsz,  Zickeo  Jansen, Gabriel, Raymick & Rayzahna Martha. Teatro Luna Blou i La tentashon ta invitá henter pueblo di Kòrsou pa bin disfrutá di e tres úniko funshon nan, dia 2-3-4 di yüni den La Tentashon. Karchi tan a balor di Naf 10,- optenibel na Time to Time, 24 uur uit de muur, Mensing òf serka e aktornan. Pa mas informashon por yama Lilimar Valencia na +5999 524-8525