Efisiensia riba e nivel di mas haltu!

WILLEMSTAD:  No mester strès; ku Digicel Business bo por rilèks! Nan tin e solushon pa kompanianan grandi, mediano i chikitu. Digicel Kòrsou komo kompania a bin ta desaroyá for di ofresé únikamente telekomunikashon mobil pa un kompania lider den Cloud i vários Business ICT Solutions. E departamentu di ‘Business’ ta dediká na ofresé solushonnan empresarial riba tereno di ICT.  Digicel Business tin sertifikashon di Cisco, i ta e partner di mas grandi di Cisco pa region di Karibe i Sentroamérika.

Ideal ta, pa komo doño di un empresa bo por dediká bo mes na hasi negoshi i pèrkurá pa e fondonan di manera ku bo negoshi ta sano i eksitoso- rilèks! Sin ku bo mester strès riba solushonnan den ICT.  Solushonnan ku Digicel Business ta ofresé, ta fásil i práktiko pa implementá, i ta garantisá un rendimentu den invershon mesora.  Por ehèmpel,  ta ofresé servisionan na unda e kompania por kontrolá uso di utilidat via di un unidat mobil i ku posibilidat di pone un monitor. E usuario por pone un PC, telefon IP, lus i èrko riba un ‘standby mode’ i asina redusí su gastunan di koriente. Inovashon ta e núkleo, di tur solushon riba tereno di ICT.  Ku servisionan di Digicel Business ta garantisá ku lo redusí gastunan di empresa, miéntras ta oumentá seguridat.

“Empresarionan ku ta invertí den inovashon tin un bentaha riba nan kompetidornan. Na lugá di tin strès pa motibu di ‘cyber-security’, ‘stock logistics’ i pèrdida di data i dokumento nan por dependé riba solushonnan inovativo pa yuda nan krese e negoshi. E tempu ku nan ta spar, nan lo por dedik’é na desaroyá produkto i servisionan nobo, atraé klientenan nobo, merkadeá nan produktonan i mehorá nan relashon ku kliente,” esaki di akuerdo ku sr. Mark Shoebridge, direktor di Digicel Business Solutions ABC.  “Tambe nos a invertí den netwerk di nos propio agentenan. Esaki ta nifiká ku kada empresa tin un account manager personal ku nan por yama na tur momentu di dia. E account manager tin konosementu di e tipo di negoshi i e servisionan i/o solushonnan ku tin mester pa kada negoshi respektivamente.”

Digicel Business ta un partner sertifiká di proveedornan mundial den solushonnan ICT, entre nan Microsoft, Dell, Oracle, HP, IBM, Fortinet i Broadsoft.  Ademas, e  ‘Cisco^® Gold Certification’ ta inkluí un sertifikashon pa proveé maneho riba servisionan ‘Cloud’ di Cisco (Master Cloud Managed Services Provider ) pa Caribe- esaki mesora ta pone Digicel Business riba e nivel di mas haltu entre partnernan di Cisco. E sertifikashon pa proveé maneho riba servisionan ‘Cloud’ di Cisco  (Master Cloud Managed Services Provider ) ta keda agregá na Digicel Business su lista amplio di mas ku 640 akreditashon- hasiendo nan un partner sólido ku un kompromiso serio pa oumentá efisiensia di nan klientenan. Pa mas informashon por bishitá www.digicelbusiness.com/cw.  Por tuma kontakto ku Digicel Business  na 734 4444, di djaluna pa djabièrnè, for di 8’or di mainta pa 5’or di atardi.