…Un danki na tur ku ta hasi e dia di trabou mas fásil…

WILLEMSTAD – Dia 22 dia aprel próksimo ta selebrá dia internashonal di sekretaria. Riba e dia aki ta rekonosé trabou di sekretarianan, asistentenan atministrativo, resepshonistanan i otro profeshonalnan atministrativo. Nautilus i Xquisit ta habri nan porta pa tur empresario i kompania suprayá e dia spesial aki huntu ku nan sekretaria(nan). Pa e dia aki por skohe den opshonnan sukulento pa lùnch. Nautilus ta ofresé dia 22 di aprel próksimo un delisioso bufèt entre 12:00pm pa 3:00pm. Riba e dia aki e bufèt lo tin un preis spesial di Naf. 51.32 pa persona i lo ta bon variá manera semper. E preis ta inkluí impuesto i kargo di servisio. Ademas esaki, Xquisit, e restorant nobo den Renaissance Mall tambe ta ofresé un ‘Lunch Special’. Riba dia di sekretaria entre 12:00pm pa 3:00pm disfrutá di un almuerso tur afó riba nivel internashonal pa solamente Naf. 44.00 pa persona inkluyendo impuesto i kargo di servisio. Durante di almuerso lo tin entretenimentu bibu den ámbos restorant pa selebrá e okashon spesial. Ademas di esaki lo tin oportunidat di gana premionan atraktivo na momentu ku presentá e business card di e kompania na unda bo ta laborá. E aña aki Nautilus i Xquisit ta invitabo pa duna importansia na e dia internashonal di sekretaria. Pues un invitashon ta bai na tur esnan ku ta den funshon atministrativo pa bin selebrá e dia aki. Pa garantisá un lugar, semper ta mihó pa reservá. Pa reservashon por yama 435-5000.