Awor den Renaissance Mall

ORANJESTAD – NOV– E marca cu ta representa un estilo di bida, ta habri su prome establecimento riba nos isla y ta haci esaki na Aruba su capital di moda, Renaissance Mall. Ta sigui expande e portofolio cu establecimentonan di primera. E marca lider, pa un estilo nautico moderno a habri nan prome flagship store na Aruba. Apertura di Nautica ta inclui e look and feel nobo y ta sali for di e pensamento ‘Reimagine Nautica – Inspired by the Sea’. E marca a keda lansa na aña 1983 y pa mas di 30 aña ta e trendsetter den su estilo. Den transcurso di añanan e marca a bin ta distingui su mes pa su colornan y su detayenan, haciendo e pañanan exclusivo un escogencia faborito di tur cu ta desea di ta moderno y sofistica.

Nautica den Renaissance Mall lo tin e.o poloshirts, paña di bay lama pa e cabayero, dama y mucha- pa durante dia y anochi. Pronto e coleccion di sapato, tas y cartera lo yega. Nautica definitivamente ta inspiracion pa tur cu ta busca un estilo sofistica. E boutique ta refleha esaki cu e diseño signatura, manera e rekinan di palo cu ta accentua e pacus y ta duna un bista prominente for di e galeria den Renaissance Mall. Por bishita Nautica di dialuna pa diasabra for di 10’or di mainta pa 7’or di anochi y pa dianan di fiesta lo tin orarionan extendi.