NAYA, o sea “Nan a Yega, Atrobe!” ku den karnaval 2015 tabata tur na oraño, ta kla pa partisipa den gran marcha di 2016. E bia aki NAYA ta bai duna honor na Korsou I su bandera ku su disfras:

I’M CURACAO.

Enfasis ta riba kolonan di nos bandera I e headpiece ta mustra diferente potret di e sitionan bunita ku nos Korsou tin pa broma ku ne. E kreashon ta di Gregory Hilario Winklaar. Make-up artist di nos dama tabata srta. Quiwena Paulina I e obra di arte riba kara di e kabayero tabata den man di Ken Arrndell di KJK Art District. Potretnan tabata na enkargo di Nikita Noordstar. NAYA ta sigui kere den nos hobennan dinamiko. Por apresia mas potret riba nos FB-page: Nan a Yega, atrobe! Bo tambe ta orguyoso di ta un yu di Korsou I ke broma ku bo bandera durante di gran marcha di Korsou otro aña? NAYA tin algun kupo ahinda. Kontribushon pa hende homber ta fl. 800,00 i dama ta fl. 750,00. Pa mas informashon, por yama of app sra. Minolva Doran riba +59995245568 of por manda un e-mail tambe na con31eh@yahoo.com