Patrosinio na FuDeCu, Rincon Boyz i mas…

KRALENDIJK, aprel 2018 –  Boneiru ta pendiente pa selebrá Dia di Rincon otro siman djaluna i Nagico Insurances, e kompania di seguro ku a bin ta duna e boneriano oportunidat di spar riba nan prima di seguro- sin limitá nan kobertura ta kontentu di bolbe sostené FuDeCu den organisashon di e selebrashon na Rincon. Ademas, Nagico Insurances ta orguyoso patrosinadó di Rincon Boyz ku tambe lo forma parti di e selebrashonnan.

Pueblo di Boneiru ya ta ampliamente konosí ku Nagico su produkto i servisionan. Durante di e último tempunan aki, hopi ta esnan ku a kambia pa un seguro di outo di Nagico. Un seguro di outo no mester ta un doló di kabes i tampoko un gastu grandi. Na momentu ku bo kambia pa un seguro di outo di Nagico, bo ta spar 15% òf mas riba bo seguro di outo eksistente. Ademas, bo no ta pèrdè bo ‘no claim discount’ den eventualidat di un aksidente.

Ban selebrá Rincon!

Nagico Insurances ta komprometé ku Boneiru, i ta p’esei ta sostené FuDeCu den nan meta pa tene Dia di Rincon den laira i mantené e tradishon boneriano. E selebrashon ta kuminsa for di dia 28 di aprel ku presentashon di Rincon Boyz, siguí mas anochi ku Fenty Music, BAS i Buleria na Sentro di Bario Rincon. Chèk e skedjùl di Rincon Boyz den korant. Nagico Insurances ta invitá pueblo di Boneiru pa disfrutá di su Dia di Rincon. Anto, si bo ke spar riba bo seguro di outo; bishitá ofisina di Nagico Insurances na Kaya Gilberto. F. Betico Croes #2 òf yama 717-3022 i kambia awe mes!