WILLEMSTAD, febrüari 2021 –  Karnaval e aña aki a bai diferente pa tur hende, sinembargo NAGICO Insurances ta trese karnaval te kaminda bo ta. Aña pasá NAGICO a patrosiná Hak’é, RAEY, ICONS, GENTZ i Legends Of The Game i di e forma ei kontribuí ku Kòrsou su kultura, bandanan i gruponan di karnaval.  E aña aki, no tabata posibel pa pueblo di Kòrsou selebrá su Gran Marcha ni niun otro evento di karnaval, p’esei mes NAGICO ta regalá Kòrsou un anochi karnavalesko grátis dia 15 di febrüari próksimo pa 8’or di anochi! Sinta den komfortabilidat di bo kas i disfrutá!

MASK-UP!

E kampaña MASK-UP! tei primeramente pa konsientisá komunidat ku mester bisti tapaboka den e ‘normal nobo’ i pa no sinti falta di karnaval ta enkurashá partisipante pa dekorá nan tapaboka den un tema karnavalesko ku chèns di GANA premio! Lo selektá ganadónan den diferente kategoria; Mensahe mas positivo: lo saka 2 ganadó di ANG.250 na Gasolin. Mihó fantasia individual: lo saka 2 ganadó di ANG.250 na supermerkado. Den kuadro di dia di San Valentino lo saka mihó fantasia di pareha (konsistiendo di 2 diseño di tapaboka): lo saka un pareha ganadó di un ‘couples massage’ na un spa lokal. Mihó fantasia di grupo (ta konsistí di 4 diseño tapaboka) lo saka 4 ganadó di ANG.150 na supermerkado. Pa e reglanan di partisipashon por bishitá e página di Facebook NAGICO Insurances Curaçao & Bonaire. Último dia pa partisipá ta dia 12 di febrüari; lo saka e ganadónan dia 16 di febrüari riba página di Facebook NAGICO Insurances Curaçao & Bonaire .

Live Stream i transmishon GRÁTIS!

Bishitá e página di Facebook NAGICO Insurances Curaçao & Bonaire i purba rei kwa lo ta e  bandanan ku lo forma parti di e LIVE STREAM ku lo tuma lugá dia 15 di febrüari. Riba e fecha aki, siguidónan di e página di NAGICO Insurances Curaçao & Bonaire lo tin chèns di gana diferente premio! Ta importante pa bo ‘like’ e página di Facebook NAGICO Insurances Curaçao & Bonaire i partisipá! E anochi aki lo ser transmití via di e página Facebook NAGICO Insurances Curaçao & Bonaire i ta konta tambe ku un transmishon di Televishon Direct Kanal 13.

Mas informashon tokante un seguro di NAGICO?

Tuma kontakto ku nos na 738.8222 òf bishitá nos página di Facebook NAGICO Insurances Curaçao & Bonaire. Ofisina di NAGICO ta situá na Dr. Fergusonweg #10 i ta habrí nònstòp for d i 8’or di mainta pa 5’or di atardi.