Direktiva di AMAK a risibí e notisia ku e legendario músiko i kantante Bernardo Louisa a bai laga nos. Bernardo ta fundador dje agrupashon musikal Melodia 57 i for di nasementu dje banda  den aña 1957 te ku resien, Bernardo Louisa tabata envolví su mes ku organisashon dje banda, aunke e mes durante último tempu no tabata tin e forsa mas pa fungi komo kantante aktivo die banda.

Mayoria di e músikonan ku tabata tei na [prinsipio ya no tei mas, pero Bernardo a sòru pa atraves di tempu pa trese sanger nobo den e banda. Na vários okashon Melodia 57 a partisipá na Festival di Tumba. Ta bon si ku na bida Bernardo Louisa a risibí vários rekonosementu pa su gran labor ku el a hasi pa farándula den su totalidat.

Bernardo tabata konosí komo un hende masha trankil i amabel ku ta kla pa duna su koperashon kaminda tin mester. Ku bon Dios tum’é den su Reino i nos ta bisa: Bernardo mundu farandulero lo bai sinti bo falta sigur. Bernardo sosegá na pas