Willemstad – Djaluna último, 10 di yanüari 17 persona adishonal a keda sertifiká pa por implementá müzik digital personalisá komo parti di kuido basiko pa pashent nan ku Alzheimer of un otro forma di Demensia den kasnan di kuido òf kas di famia nan na Kòrsou. Initialmente a kuminsá MUSIC & MEMORY Inc. den Estados Unidos i na Hulanda, i aworaki e proyekto MUSIC & MEMORY a ofisialmente kuminsa na Kòrsou. Kòrsou lo ta  prome prome pais den Karibe Hulandes ku un proyekto ofisialmente afiliá na MUSIC & MEMORY Inc.

Müzik ta un idioma universal. E tin e poder di rebibá rekuerdo nan i konektá ku personan ku ta sufri di demensia. MUSIC & MEMORY ta sostené inisió di proyekto nan di iPod/MP3 pa persona nan ku demesia pa asina nan por skucha nan müzik faborito i traha konekshon ku nan mes i nan ambiente. E proyekto nan di iPod/MP3 ta nasé den kolaborashon ku instansianan di kuido pero tambe ta disponibel pa hende nan ku ta risibí kuido na kas. Ku müzik personalisá tambe e kalidat di bida di persona nan ku dementia ta ser mehora i nan ta eksperensia un pida di nan identidat bek. Esaki ta e mishon di MUSIC & MEMORY. E proyekto aki ta eksistí for di aña 2010 den Estados Unidos i varios investigashon di eksperto a prueba esaki.

Den sèptèmber 2016 un akuerdo a ser firma entre ocho organisashonan na Kòrsou ku ta bai koloborá ku otro ku e meta pa wak posibilidatnan pa integrá müzik digital personalisá na Kòrsou.

E ocho organisashonan, esta Music Therapy Center Curaçao, Curaçao Cares, Kas Hugenholtz, Stichting Alzheimer Curaçao, Fundashon Birgen di Rosario, CliniClowns Curaçao, Klinika Capriles en Verpleeghuis Bestèda, lo risibí guia di ‘Music & Memory Nederland’. MUSIC & MEMORY Curaçao ta afiliiá na MUSIC & MEMORY Inc i ta traha huntu ku MUSIC & MEMORY na Hulanda pa risibí konseho i tambe pa sertifiká organisashonan (di kuido) na Kòrsou.

Na Kòrsou un grupo di en total 16 persona, konsistiendo di guia nan, boluntario nan i kordinado nan di e diferente kasnan di kuido, a siguí un webinar di ‘MUSIC & MEMORY Nederland’. E grupo aki a risibí djamars último un sertifikado na Verpleeghuis Betèsda pa nan partisipashon na e trayekto aki. Durante e lunan binidero, sinku kas di kuido na Kòrsou, ku kada algun kliente, lo tuma parti na e proyekto di iPod/Mp3 ku sosten di total 30 persona sertifiká.

Instansianan di Kuido ku ke kana e proseso di sertifikashon por tuma kontakto ku Music Therapy Center Curaçao via email info@musictheraphycuracao.com of yama 5296127 pa mas informashon. Boluntarionan ku ke asistí durante di e parti aki di e proyekto, por tuma kontakto ku Curaçao Cares na volunteers@curacaocares.org of yama 7881952 pa mas informashon.