Den preparacion pa e Aruba Caiso & Soca Monarch 2014

Recientemente Musica a biaha pa Corsou hunto cu Insel Air pa asina bishita diferente emisornan radial y di television pa asina promove e Aruba Caiso & Soca Festival cu ta tuma lugar dianan 11, 12, 13, y 15 di Februari proximo na Aruba. E media tour tabata uno sumamente exitoso mirando cu a logra drenta den aire den e programan cu mas sintonia. Di e forma aki mas hende posibel na Corsou por a haya tur informacion di e magno festival aki. A logra di pasa bishita e programa di tur mainta na CBA Television cu ta “New Day”. Despues a continua pa studionan di TeleCuracao y TeleCuracao FM. E programa Tosti di Ro-1 tabata esun encarga pa un entrevista hopi ameno. Immediatamente a continua pa un entrevista cu e programa di television “Bo Trai Merdia”. Aki tambe e presentador Hubert tabata tin hopi interes den e festival. Merdia a toca turno pa e conferencia di prensa cu a wordo organisa unda cu diferente medionan tabata presente. Na final di atardi e media tour a termina cu un entrevista amical cu e simpatico Ruvette Dirksz di Radio Direct. E delegacion tabata consisti di Clyde Burke ( Musica ) , Inky Richardson ( Musica ) , Mark Benson Denz ( PR Musica / Infinity Media Aruba ) y Erik Jan Eman ( Purple Entertainment Group ). Entradanan pa e festival ta obtenibel na tur 195 rebendedor di Lotto pa solamente 20 florin pa cada anochi di pre final y 40 florin pa e anochi final. Un Danki na Setar NV, Heineken, Lotto, Aruba Bank, ATA , Insel Air y Gobierno di Aruba