Diahuebs mainta Presidente di Sichting MUSICA Sr. Clyde Burke, a haci entrega oficial na Minister Otmar Oduber di e relato financiero di un di e eventonan musical principal durante temporada di Carnaval e aña aki, cual ta Caiso and Soca Monarch 2015. Segun palabracion MUSICA lo mester presenta su rapport financiero 2015 na su musiconan y na Hunta di Supervision di SMAC. Aunke e no ta e version final Minister Oduber a ricibi un splicacion amplio di e relato financiero mientras a keda aclaria varios punto riba cual tabata tin varios incertidumbre. Otro siman lo reuni un biaha mas pa cera e etapa aki pa asina enfoca y duna un bon inicio na e temporada di Carnaval 62 cu ya ta den porta.