WILLEMSTAD – Djarason mainta e muchanan di Kolegio Santa Klara a risibí un grato sorpresa ora ku e tim di Carnaval Casino a yega ku un pikòp kargá ku regalo.  Aña pasá Renaissance Curaçao Resort a djòin e tradishon anual di Wind Creek Hospitality, ku e rekoudashon di regalo pa mucha den e temporada festivo di Pasku. E aña aki pa di dos aña konsekutivo a presentá e ‘Magical Christmas Toy Drive’.  Sra. Heidi Foendoe, Carnaval Casino General Manager ta indiká ku un biaha mas a hasi esaki ku hopi amor pa e muchanan i ta spera ku nan disfrutá di nan regalo e fin di aña aki. “Ta imposibel hasi un gesto asina grandi nos só, komunidat di Kòrsou ta nos ‘partner’ den esaki. Tur nos koleganan i miembronan a aportá grandemente. Nos a entregá e regalonan ku un kurason yen di gratitut i ta spera ku otro aña nos por bolbe konta ku e sosten.”  Ta e meta pa kontinuá ku esfuersonan komunitario den 2019 i oumentá konsiensia riba e responsabilidat sosial di kada un di nos. Un di e propósitonan empresarial di Wind Creek Hospitality ta di duna bèk na e komunidat den kual e ta operá. Esaki via di akshonnan komunitario manera ‘Magical Christmas Toy Drive’.

10 aña Carnaval Casino!

Riba dia 23 di desèmber próksimo Carnaval Casino ta selebrá su 10 aniversario i e gesto na Kolegio Santa Klara ta un bunita paréntesis den esaki. Ganadónan den ‘Magical Christmas Toy Drive’ ta; Lilian M Hart ku a gana un Weekendstay, Valeska Everts ku a gana un Dinner for 2, Mei Hwa Alcala ta risibí un lunch for 2, Wendy Visser a gana un desayuno pa 2 persona i Beatris Bonnin a gana $50 Freeplay. Masha danki pa aportá na ‘Magical Christmas Toy Drive’ i pabien ku e premionan. Pa mas informashon, tokante kon pa bira miembro òf kualke kampaña por bishitá e página di Facebook di Carnaval Casino. Ta deseá henter pueblo di Kòrsou felis dianan di fiesta!