DINO SERVINUS TA TUMA MANEHO DI ‘MASTER KEY’

WILLEMSTAD.- Direktiva di agrupashon musikal ‘Master Key’ a tuma e desishon pa nombra Dino Servinus komo e Road Manager dje banda, esaki despues di un reunion ku e músikonan. ‘Master Key’ aktualmente tin un super éksito zonando tur kaminda. Ta trata dje komposishon ‘Mi Libertat’ ku ta keda interpretá pa Lucien Alberg. E kansion ta dje popular ku te hasta otro bandanan den género di kòmbèk ta tokando i gosando dje popularidat dje piesa. E banda ta zona bon i ku Dino awor komo ‘road manager’ ta sigur ku e banda lo bai kuminsá move. Djadumingu awor Master Key ta presentá huntu ku Simplemente Perfecta den Club Union Boneriano. Pa reservashon i mas informashon por yama Dino Servinus na 560-4375.