WILLEMSTAD// Djasabra último, Mood Beach a tene su Grand Edition na unda ku a invitá primeramente un grupo selektá di empresanan pa sera konosí ku e konsepto di Mood Beach, pa despues habri e evento pa públiko. Na unda deejay D-Wayne, Natsuj i Philly M  i Ephrem J a sòru pa un tremendo ambiente te ku 10’or di anochi.

Tur ku a bishitá Mood Beach a keda enkantá! E bahadanan di solo di mas bunita bo ta haña kant’i awa na Mood Beach, Bapor Kibrá, na man drechi di Cabana Beach Club. Ademas, e esfera ku Mood Beach ta ofresé lo trese kada bishitante na un relahamiento total. E konsepto ta distinguí su mes for di sobrá, pa motibu ku no ta simplemente un terasa mas. Mood Beach ta para pa krea un eksperensia úniko pa kada bishitante. Asina por hasi menshon ku por ehèmpel riba djasabra tin show di kandela i vürwèrk, show di baile eksótiko i mas. Mood Beach ta habri pa lunch i dinner tambe.