Willemstad – mei 2014: resientemente e kompania di kontratista MITS Curaçao a sera un areglo di penshun pa su personal serka kompania di seguro ENNIA. Gerensia ta haña importante pa ofresé su personal un penshun di  behes, i p’esei nan a aserká  ENNIA pa un seshon di informashon. Gerensia di MITS Curaçao ta konsiderá importante pa invertí den nan personal, ya ku ta nan ta e pilánan mas importante di e kompania. Banda di un seshon di informashon general, konsehero di penshun di ENNIA Janice Sicking-Martina a duna un tayer interesante pa tantu gerensia komo personal di MITS Curaçao. Den e tayer a papia di tur aspekto di penshun. E entusiasmo i konseho di e konsehero di penshun a pone ku e negosiashonnan a kana vlòt. “Nos ta haña importante pa kompensá e personal pa nan esfuerso. P’esei nos a amplia e pakete di kondishon di trabou ku un areglo di penshun di ENNIA” , sigun Glenda Helbertina di MITS Curaçao. MITS Curaçao ta un kompania di kontratista ku desde 1956  ta ofresé su servisionan na tantu kompania komo personanan privá. Durante añanan e kompania a krese bira un di e entregadónan di mashinnan di konstrukshon mas importante den Karibe. Banda di esaki MITS Curaçao ta é adrès pa fabrikashon i instalashon di sistemanan di pipa, tanki, ketel i bòiler, i pa reparashon na konstrukshonnan di stal. ENNIA ta felisitá MITS Curaçao ku su areglo di penshun i ta deseá e kompania tur kos bon pa futuro. Potrèt: Glenda Helbertina di MITS Curacao huntu ku personal di MITS i señor Reinald Curiel, direktor komersial di ENNIA i Janice Sicking-Martina, konsehero di penhun di ENNIA.