… durante eksitoso selebrashon Dia di Bandera na Renaissance…

WILLEMSTAD – Por mira bèk riba un eksitoso selebrashon Dia di Bandera; tur esnan ku a bishitá e evento a keda enkantá ku e eksposishon di Wabi ku tabata tin i e partisipashon di e damitanan di Miss Teenager den un elekshon spesial na unda ku a saka Miss Renaissance Mall & Rif Fort i tambe Miss Sinta Ros entre e partisipantenan. Durante e dia kompletu tabata tin e tradishonal bazar kombiná ku un feria di Beyesa i Salú, músika kultural i animashon di DJ. Grupo di Baile Dushi Kòrsou tambe a duna un bunita presentashon. Riba kombinashon di foto por tuma nota di e eksitoso selebrashon Dia di Bandera ku a tuma lugar resientemente na Renaissance Mall & Rif Fort.