Djadumingu awó 10 di mei rondó di pisina di Floris Suites Hotel e shete sirenanan ku ta kompetiendo pa e título máksimo di Miss Kòrsou 2015 lo ta den kompetensia pa e título di Miss Playa ku e tema “Enchanted Mermaids” Riba e atardi aki e kandidatanan lo tin tres presentashon, e promé ta uniformá ku telanan eksklusivo di Ackerman NV i presentá pa “Kaya”, di dos den trahe di baño di Emilia Boutique i finalmente den trahe di baño Fashionista Look. kaminda nan mes por trese nan propio kreashon i estilo dilanti den forma di un trahe di baño Fashionista. Nos partisipantenan lo presentá ku Sapatunan di ONIX. Penha lo sòru pa Makiahe i tur e peinadonan ta na enkargo di Coupe Caprice i Elite Hairsalon/Lanza. Den showtime lo tin show di sapatu di Onix, Zahara Shoes i presentashon di Juni Juliet. Invitado di honor den un presentashon spesial aki na Kòrsou ta Miss Jamaica Kaci Fennell ku a gana simpatia di mundu kompletu den e sertámen di Miss Universo 2014. Karchinan ta optenibel na ofisina di Coridja Stars Productions i serka tur kantidata na rason di fl. 35,- i no ta bende karchi na porta. Pueblo di Kòrsou boso ta keda kòrdialmente invitá pa den un ambiente ameno bin apoyá tur nos beyesanan den un dushi vibe.