Coridja Stars Productions ta kontentu di anunsiá, Verna Vazquez Miss Curaçao 1994, Miss Usa 2016 Deshauna Barber, CFO di Miss Universe Larry Parra i e famoso diseñadó sr. Mac Duggal i su señora esposa B. Duggal komo invitadonan di honor na sertámen Miss Curaçao 2016.

Djadumingu 2 di òktober, pa 19:30 Santa Barbara Beach & Golf Resort lo ta esenario pa sertámen Miss Curaçao 2016. Nos 7 beyesanan ya a pasa nan promé prueba de fuego, djamars 27 di sèptèmber durante e elekshon interno i awor ta kla pa e prueba final. Manera ya ta konosí, riba e fecha aki, lo skohe: Miss Curaçao Universe, Miss Curaçao World, Reina Hispanoamerica i promé finalista Miss Curaçao 2016. Tin algun karchi di entrada optenibel na ofisina di Coridja Stars, Klipstraat 6-8, djaweps 29 i djabièrnè 30 di sèptèmber 2016, entre 11 or di mainta i 6 or di atardi.

Tambe lo por aboná na TDS via 9242, pa e sertámen kual lo wòrdu transmití via kanal 75 di TDS, Pay-Per-View pa solamente fls. 53.00 òf $ 30 pa Bonaire.

Kòrda bishita nos página di Facebook: Coridja Stars Productions pa keda altanto di tur e último desaroyonan. Miss Curaçao, beyesa muchu mas ku lokual bista por alkansá!