Despues di lunanan largu di preparashon e temporada di Miss Kòrsou 2015, dia 13 di yüni próksimo den Santa Barbara Beach & Golf Resort, Kòrsou kompletu por mira e kulminashon, den kua por biba momentunan bunita i emoshonante na momentu ku bira konosi ken ta nos próksimo Miss Kòrsou 2015, kuminsando for di mitar di ocho 7.30or ku un antesala i despues 8or e sertámen mes ta kuminsá.

Durante di e anochi dediká na nos Dushi Kòrsou e kandidatanan lo aparesé den trahe uniformá, trahe di baño i trahenan di gala. I huntu ku nan un elenko di streanan lokal ku lo bria ku nan presentashonnan riba esenario. Entre otro nos Rebecca Benchop, grupo di Baile D’Art i direktamente for di Hulanda e popularisimo yu di Kòrsou Luigiano Paals, ku a duna un tremendo presentashon na X- Factor. I pa koroná e obra nos lo tin diferente invitadonan internashonal popular den mundu di beyesa ku lo honra nos ku nan presensia manera e konosido zar di beyesa, Osmel Sousa, Wendy Fitzwilliam, Miss Universe 1998 i vice president di Diamond International Corporation ku a sòru pa promé biaha den historia a diseñá un korona di diamanta pa nos Miss Kòrsou 2015.

Coridja Stars Productions ta binda un i tur e oportunidat pa wak Miss Kòrsou via di Pay per view. Pa solamente Fl. 50,00 por apliká na TDS dor di bel 9242 òf manda un mensahe na 8585 menshonando: number di kuenta di bo TDS, nòmber i fam i e palabra Miss Kòrsou!

Awor abo tambe por mir’é !
Miss Kòrsou 2015 tei bisti bo sala di gala.