(den estrecho koperahon ku DMO, Converse i Sponsernan)

Djasabra awor Kòrsou kompleto por konosé e 10 partisipantenan pa Miss Curaçao Teenager mas aserka den un tremendo “BAN TOPA” den sentro di nos siudat. E idea aki ta netamente pa e selebrashon di e di 10 aña di e sertámen ku mas ta akapará atenshon, durante di aña kaminda hóben damitanan ta kompetí pe titulo maksimo. E aña aki kada partisipante tin un ekipo di sosten ku lo bai apoyá nan pa asina nan por hasi diferente aktividat ku tin komo meta  yuda nos komunidat di un manera sano i kompetí riba un base super great!

E aktividat ta kuminsá for di 10 or den Punda kaminda kada partisipante huntu ku parti di nan Team lo ta den un speurtocht kaminda lo tin 100 korona pone den Punda i nan lo tin ku hasi e búskeda aki pa nan por rekoudá nan. Despues e partisipantenan lo ta den un parada ku lo ranka sali den Punda mes i terminá na Wilhelmina Plein. Na Wilhelmina Plein tin e apertura ofisial kaminda e trayekto pa rekoudá fondo pa e organisashon di Kinder Mishandeling  ta start! E ekiponan lo dekorá un mesa kaminda tur esnan ku ke koperá ku nan partisipante faborito  tin ku firma riba un poster ku organisashon di IBFF huntu ku spònsernan a regala nan. Den e mesun aktividat kada partisipante lo skohe un artista ku nan lo mester saka potrèt ku ne na e monumento di Kòrsou. E potrèt nan lo bai riba e page di Curaçao Showbizz pa  tur fanátiko like. E  partisipante ku mas tantu like pa dia 08 di Yüni ta gana e titulo di “Miss Curaçao Showbizz 2013”. Partisipantenan lo tin ku bende 20 cupcakes den 3 minüt pa puntuashon i tambe partisipantenan a skohe un persona di nan ekipo òf persona ku ta den atletismo pa kore un kareda ku yama “FUN RUN Miss Curaçao Teenager 2013” e persona aki lo kore for di e “DUSHI”rònt den Punda i kolekta  bandera nan ku ta kantu di kaminda i terminá na “CURACAO” pa punto pa yuda e partisipante. Na momento ku Sr. Eduard Reineta kordinadó di e evento huntu ku huradonan hasi e parti di konteo nos lo mira kua ta e partisipante ku lo gana e titulo di “Miss Curaçao Teenager Loves Dushi Punda 2013”. E dia aki lo ta karga ku informashon di tur nos spònsernan di e evento Miss Curaçao Teenager 2013 tambe lo tin oportunidat pa gana premio ku kada unu! Lo bai tin show di Moda di nos partisipantenan den trahenan di Converse, Trahe di banjo di Marie Swim Wear i komo chèri riba e bolo lo bai tin presentashon di Area 51 i Tony Montana Music. Djasabra awor sali ku famia kompleto bin Punda apoyá nos partisipantenan pa un bon kousa i gana premionan tambe atraktivo ku nos Sertámen Miss Curaçao Teenager 2013. Pa mas informashon por yama 6956491.