Sera konosí un tiki mas di aserka ku Archangela Garcia, Un hóben di 24 aña di edat ku ta fasiná ku deporte. Na e edat di 5 aña Archangela a kuminsá práktika landamentu sinkronisá i ku su 13 aña el a tuma e desishon di bai biba den eksterior pa por sigui desaroyá su mes den su deporte preferí, ya komo Kòrsou tabata poko limitá den e rango aki. Archangela a kompetí na diferente okashon internashonalmente. Na 2012 e la forma parti di selekshon pre-olimpiko i aktualmente na edat di 24 aña, e ta un atleta aktivo i ta fungi komo “head coach’ pa muchanan den e deporte di landamentu sinkronisá. Pues deporte ta un ‘lifestyle’ pa Archangela. Ku su partisipashon na Miss Universe Kòrsou Archangela a enfatisá e importansha di deporte i esaki ta loke ku el a primintí su alumnonan di landamentu sinkronisá tambe. Archangela ta di opinion ku deporte ta hopi esensial pa formashon di nos hóbennan i ku práktika deporte na un edat yòn ta yuda e desaroyo humano den diferente arianan. Esaki ta e mensahe ku Archangela ke trese pa mundu henter. Archangela a studia Business Administration & Management na Miami, USA. I despues el a sigui spesialisá su mes den Komunikashon soshal (periodismo & relashonista públiko) na Venezuela. Archangela ta konta ku e ta un persona hopi habri i sosial. E ta gusta yuda hende i por kuminsá un kombersashon ku un persona ku e no konosé fásilmente. E ta gusta mustra afekto i ta ‘care’ hopi pa su ser kerínan. Banda di esei e ta un persona hopi independiente i ku hopi disiplina. Esaki ta debí na e echo ku na edat relativamente yòn el a bai biba riba su mes. Archangela ta kere firmemente ku ora bo ke algu, bo tin ku bai ‘all the way’ pe.
Archangela lo sali pa Philippiness manjan ku Dios ke riba e vuelo di KLM pa asina por bai partisipa pa e titulo di Miss Earth 2013 The Miss Earth 2013. Miss Earth lo tue luga Versailles Alabang na Las Piñas Djazabra, December 7, 2013 8:00 p.m. Miss Earth ta bai pasa na telecast LIVE na Fox Network’s Star World channel y na pais nan di Latino America manera e tan konosi VENEVISON tambe na Mexico, y USA via di MVS/UNO TV, ABS-CBN djadumingo, December 8, 2013 10:00 a.m.  “It is an honor for me, Archangela Garcia, to represent our beautiful island of Curaçao in the upcoming Miss Earth pageant in the Philippines. The Miss Earth pageant will take place on December 7th at the Versailles Palace in Alabang, Muntinlupa City, Philippines. This year’s edition is aligned with “The International Year of Water Cooperation”

Atentamente,

Archangela Garcia Team