Ya pa algun siman kaba Landsloterij a bin ta konsientisá tantu empleadonan, pero tambe rebendedónan, riba medida di prevenshon di e vírùs COVID -19. Mirando e último desaroyonan kaminda Gobièrnu di Kòrsou a emití medidanan èkstra di prekoushon pa asina protehá i prevení mas tantu ku ta posibel ku Corona Vírùs por afektá salú di siudadanonan na Kòrsou, Landsloterij a tuma e desishon difísil pa posponé e siguiente loteria di brièchi, ku tabata plania pa tuma lugá dia 9 di aprel 2020 te un próksimo aviso.

Komo konsekuensia di e último, entrante djárason 18 di mart 2020 temporalmente ta stòp benta i trokamentu di brièchi na Kòrsou te ku un próksimo aviso pa asina garantisá salubridat di nos empleadonan, rebendedónan i klientenan. E medida aki pa posponé benta di brièchi ta bálido solamente pa e teritorio di Kòrsou. Na Boneiru, Aruba i islanan ariba e benta ta sigui normal te ora ku instansianan konserní indiká esaki.

Landsloterij ta sigui monotoria e medidanan tuma dor di Gobièrnu di Kòrsou di aserka pa asina tur kos bolbe na normalidat reanudá benta di brièchi na rebendedó i pago di premio. Tuma nota di e diferente medionan di komunikashon i plataformanan sosial pa e anunsio di e fecha nobo di e sorteo posponé plùs tur informashon adishonal tokante di benta di brièchi i pagamentu di premio.

Pa pregunta òf mas informashon  por tuma kontakto ku nos entre 8.30am pa 12.30pm na 4624088, via e-mail na info@Landsloterij.org  òf bishitá nos página di Facebook.