WILLEMSTAD – 12 Yüni 2013: –  Durante fin di siman último Minister Stanley Palm di Desaroyo Ekonómiko, huntu ku kolaboradornan di MEO,  a topa ku Hunta di Supervishon i e team di merkadeo di Ofisina di Turismo (CTB). CTB a hasi uso di e oportunidat pa introdusí Minister Palm na su ekipo di merkadeo lokal i internashonal kaminda tur a hasi un presentashon di tur  loke ku CTB a bin ta hasi den eksterior pa promoshon di Kòrsou.  E departamentu di “Research & Statistics”  di CTB a  duna Minister Palm un presentashon di e sifranan di turismo en general i tambe di kada merkado na unda Kòrsou ta posishoná su mes.

Minister por a tuma nota tambe di e desaroyonan nobo den akomodashonnan benidero na Kòrsou. Minister Palm a keda impreshoná ku e presentashonnan i gradisiendo  tur presente a ekspresá pa siguí  ku e bon “Teamwork”  ku e a eksperenshá.