Kooyman ta e patrocinado principal Ambiente di fin di aña den e bario di Dakota y vecindario

ORANJESTAD, Aruba – November 2015: Diamars anochi e ekipo di futbol di SV Dakota, hunto cu Minister mr. Drs. Arthur Dowers, procedente di e bario di Dakota, a cende e lusnan di Pasco na e rotonde di Tarabana. E team di Bo Bario a acerca SV Dakota pa decora e rotonde. E bario a conta cu sosten mesora di Kooyman, cu pa hopi aña tambe ta situa den e mesun bario.

Esaki ta di dos aña cu Kooyman ta envolvi como sponsor den e decoracionnan na e rotonde di Tarabana. E evento diamars anochi a conta cu presentacion di e grupo di gaita Catatumbo. E tema riba e rotonde ta casnan di torto, masha bunita decora cu luznan di color den ambiente di fin di aña.

E inauguracion oficial dor di cendemento di e luznan tabata den man di Jaritsza Correa di Kooyman, Shaghira Robert di e ekipo di Damas di SV Dakota hunto cu Minister di Husticia, mr. Drs. Arthur Dowers.