Kuminsando dia 1 di febrüari, Curacao Image & Fashion Foundation mensualmente ta organisá un tayer spesialmente pa hóben – adolesentenan titulá Elegansia. Elegansia ta un tayer ku ta eduká i guia  hobensitanan ku ta den kresementu pa bira un hóben –adolesente kapasitá ku por desembolbé su mes den sosiedat di un forma digno i sigur di su mes. Meta di e tayer aki ta pa e hobensita desaroyá su abilidatnan pa e sa kon pa e representá su mes i anda den nos sosiedat ku firmesa i éksito. E hóben lo haña konosementu propio i lo desaroyá su abilidatnan ku e meta final pa logra éksito den bida. Partisipando na e tayer aki e hobensita ta konosé su mes mihó, e ta bira mas sigur di su mes i lo e ta mas konsiente di su balor komo ser humano. Temanan ku ta wòrdu trata durante e tayer ta entre otro: siguridat propio, komportashon sosial, balor propio, kuido i higiena, komunikashon, bistuario, imágen, postura, nutrishon, ehersisio, habitonan bon i malu i mas. E tayer di Elegansia ta spesial pa hóbennan entre 11 pa 17 aña i ta konsistí di 12 enkuentro, 3 bes pa siman i tin un durashon di 1 luna. Tur promé siman di luna, un siklo nobo di e tayer ta kuminsá. Na final di e tayer tur partisipante ta partisipá na un dinner durante kua nan mester hiba den práktika tur loke nan a siña durante e enkuentronan. Pa risibí mas informashon tokante e tayer di Elegansia por yama number di telefon 5190037 / 5250312  òf manda un email na tayerelegansia@gmail.com . Nos ta kere ku sigur e tayer aki lo tin un balor agregá na desaroyo di nos hóbennan.