ORANJESTAD, Aruba – 20 di October 2019: Aruba Hotel & Tourism Association (AHATA) a organisa un training di Digital Marketing pa su miembronan, cu enfoke riba fundamentonan di ‘social media’ pa negoshi. Topiconan cu e training a cubri tabata; e parti basico di ‘social media’, con pa haya clientenan via Google y social media y kico ta funciona awendia.

Participantenan, por medio di e training a siña, con nan por traha mas efectivamente den plataforma digital. Awendia hopi cliente ta haci uso di rednan social pa busca informacion di companianan y servicionan. Strategianan di mercadeo digital ta esencial pa incorpora y compronde kiko tur por hasi pa tin presencia riba e plataformanan aki.      

AHATA ta gradici e anfritrion La Cabana Beach Resort y trainer Diederik Kemmerling, fundado di The Lab Digital Marketing Agency Aruba pa su contribucion na e sesion educativo aki.