ORANJESTAD, Aruba – December 2018: Diabierna ultimo a tuma luga e seminario di “Mi wiel tambe ta conta” denRenaissance Convention Center. E dia a resulta hopi exitoso. Tabatin un visioncu kier a logra, pero a surpasa esaki. Loke tabata enfoca y lo sigui enfocariba dje, e peticion cu Jos Solognier (q.e.p.d.) a haci pa realisa conforme leyexistente. Lo logra awor pa bin cu parkeerkaartenpa esunnan cu inhabilidad fisico.

Parlamentario di Fraccion di AVP, Robert Candelaria ta hopi contento cu Minister di Husticia a laga su representante Milko Baiz presenta, cu den pasado a traha den Cuerpo Policial riba e ley aki di trafico. E ta compronde e materia y sa kico falta den dje, pero tambe a splica cu Minister ta habri pa traha riba esaki. Asina por percura p’e ser humano, den e caso aki hendenan cu limitacion fisico, por haya loke cu nan tin derecho legal riba dje cu ta un parkeerkaart.

Tambe Candelaria a haci un peticion adicional cu ta e area di Aruparking pa amplia e 10 luganan cu tin actualmente den centro di Oranjestad, pa bin cu mas pa esunnan cu reto fisico pa por parkeer mas cerca di establecimentonan comercial. A pidi pa e luganan aki ta gratis pa esunnan cu e carchi aki, di cual no mester core busca un mashin pa paga y despues core bin bek pa pone nan carchi, ta mehora nan mobilidad den e forma aki.

E miembro di fraccion den oposicion a pidi Gobierno pa tene cuenta cu ora di duna permiso di construccion, pa tene cuenta cu nesesidad di esnan cu limitacion fisico manera cuanto grado e rampa mester ta, e hanchura di portanan y den cua direccion e portanan ta habri. Tambe e bañonan cu tin e mannan pa tene, kiermen tu cos cu ta necesario. Tambe pa tur establecimento comercial reserva e parkeerplaats nan di mas cerca, pa invalidonan.

Diabierna mainta diferente instancia, grupo di comunidad manera FAVI, Funari y Maris Stella tabata presente na e seminario. Tambe a conta cu presencia di DTI, Cuerpo Policial, DOW, Asociacion di Ingeniero y Arkitectonan tambe a participa. Alton Paas y su mama a bin for di Corsou pa presenta e seminario aki y papia den dje. Un grupo chikito y dedica aki na Aruba a yuda den un tempo cortico pa por a logra hopi cos, tambe tabatin diferente hende cu a yuda financia esaki. A realisa e seminario den tiki tempo y e motibo ta pasobra aki na Auba tin hende cu kier yuda.

No por exclui cu si lo bay tin un fundacion, pero hopi hende a acerca cu yen di informacion y hopi idea con pa sigui yuda hendenan cu ta den e grupo aki, cu limitacion fisico. Parlamentario Robert Candelaria ta kere cu tin mas topico banda di parkeerkaarten y e parti di bouw voorschriften cu por sigui traha riba dje. Ta kere cu lo bin un continuacion riba esaki y den e proximo dianan cu ta bin lo pensa riba dje pa dun’e mas contenido, papia cu esunnan cu a acerca nan y asina sigui traha na bienestar y di miho calidad di bida di nos ciudadanonan cu limitacion fisico.