Di dia 2 pa 12 di ougüstüs masha hopi aktividat tabatín rònt Medellín ku e fiesta nashonal Feria de las Flores !! Kanal 80 a graba masha hopi di e eventonan , manera Desfile de Silleteritos ( e muchanan su desfile ) , Chiva y Flores ( vehikulonan ku tabata kore den serunan antes ) , Cabalgata( mas di 6.000 kabai) , Desfile outonan klásiko ( wabi ) , Desfile di motersaikel , desfile di bestianan di kas ( prinsipalmente di kachónan ) , Eksposishon di Flor den Jardín Bótanico , Gigantenan di Flor ( obranan monumental ku weganan / tradishon di antés trahá di flor ) , Paso Fino  i e gran kulminashon Desfile de Silleteros !!!! Awa a kai masha duru més djasabra , pero menos mal pa djadumingu , solo a bria i asina e desfile por a lusi ! Aki Bo por mira e ganadó absoluto Mauricio Londoño . Tin premiashon pa e diferente kategorianan. Silletero ta un tributo / homenahe na e campesinonan ku ta kultiva flor den serunan di Santa Elena , i ku antés tabata  karga e flornan riba skouder riba un siya pa bende den sentro di suidat . Despues di tempu ta buriku / mula i trucknan tabata transporta e flornan for di riba seru I ta esei ta e Desfile de Silleteros , tin di e siyanan ku ta pisa mas di 75 kilo !! Ta un honor pa e Silleteronan karga e obra di flor riba nan skouder  den e desfile , i nan ta haña masha hopi aplauso di esnan kant’i kaminda !! Keda pendiente pa Bo disfruta di tur eseinan i más na Kanal 80 !!!

Dichoso ta e wowonan ku por mira Kanal 80 …..………………………………………. e kanal TOTAL !!!