ORANJESTAD, 8 Juni 2017: Arcos Dorados Holdings, Inc., e frankicia mas grandi di McDonald’s y cu ta opera e marca den henter Latino America, ta confirma su compromiso cu cuido di medio ambiente a traves di accionnan den tur su operacionnan cu ta permiti reduci e impacto ambiental y desperdicio. “Nos sa cu tur e actividadnan di e empresanan ta genera un impacto ambiental, ta pesey cu na Arcos Dorados tur dia nos ta busca formanan nobo di ta mas sostenibel y di disminui e footprint cu nos ta laga den medio ambiente”, asina Rafael Romero di Arcos Dorados a comenta. “Nos a implementa diferente accion na tur e paisnan den cual nos ta opera, pa reduci y ta mas eficiente den uzo di recursonan y nos ta sigur  cu nos lo por sigui mehora tur nos procesonan”.

Algun di e accionnan cu Arcos Dorados a realisa ta un cadena di suministro responsabel; No solamente ta preocupa pa e accionnan di e compania, sino ta promove miho practicanan etico, ambiental, social, economico y di calidad na nos proveedornan. Actualmente McDonald’s tin un base di 500 proveedor di productonan y aproximadamente 90% di nan ta local, loke ta nifica cu ta uza menos combustibel den transporte di productonan y ingredientenan.

E standard di warehouse ta basa na e normanan internacional mas exigente manera esun di Organizacion Internacional di Normalizacion (ISO), British Retail Consortium (BRC) y tur esunnan cu ta parti di e Global Food Safety Initiative (GFSI), di cual Arcos Dorados ta participa den e Comite Ehecutivo.

Den regionnan cu acceso limita na awa potabel, a nace e idea y obhetivo di minimalisa desperdicio y pa tin mas awa potabel na disposicion di e comunidadnan local. A traves di e programa aki ta recolecta awa di e airco di e restaurantnan pa uz’e bek den limpieza di areanan comun. E programa aki ta funcionando na Brasil, Colombia, Corsou, Puerto Rico, Mexico, Costa Rica y Venezuela cu  resultadonan excelente. Na total tin 447 restaurant funcionando bao e modelo aki.

Pa realisa un maneho responsabel di e desperdicio, a publica un guia di “0 Desperdicio”, ehecuta den  mayoria di restaurantnan McDonald’s. Ademas, hunto cu proveedornan di ekiponan, a  desaroya e fryer LOV cu ta spaar 40% di azeta y ta rekeri 4% menos energia pa keinta.