Pa di 10 biaha consecutivo

ORANJESTAD, Aruba – 22 di Maart, 2018: Diasabra dia 24 di Maart, di 8:30 pa 9:30pm, tur restaurant di McDonald’s di Aruba lo paga nan luz pafo y e ‘road sign’. Pa 10 aña consecutivo ta uni na e WWF’s Earth Hour. E campaña aki di World Wildlife Foundation (WWE), tin como obhetivo pa reduci y crea consciencia riba e impacto ambiental di e consumo di energia, invitando ciudadanonan, organisacion y empresanan pa desconecta. E participacion di McDonald’s den e Earth Hour ta un di e prome iniciativanan cu Arcos Dorados lo implementa den su agenda pa un operacion mas sostenibel.

McDonald’s a bira e prome compania di restaurant pa establece un meta aproba pa reduci ‘Greenhouse Gas Emissions’

McDonald’s a anuncia dia 20 di Maart 2018 cu nan lo partner cu frankicianan y proveedornan pa reduci ‘Greenhouse Gas Emissions’ relaciona cu e restaurantnan di McDonald’s y oficina na un 36% pa 2030 desde un base di aña 2015 den un strategia nobo pa enfrenta e cambio climatico global. Ademas, McDonald’s ta compromete na un reduccion di 31% den e intensidad di e emisionnan (pa tonelada metrico di alimento y paketa) door di henter su cadena di suministro pa aña 2030 desde e nivelnan di 2015. E obhetivo aki combina tin e aprobacion p’e iniciativa di obhetivo basa den ciencia (SBTi). Door di e accionnan aki, McDonald’s ta spera di evita cu ta emiti 150 miyon di tonelada metrico di gas di greenhouse bay den atmosfeer pa 2030. Esaki ta ekivalente na kita for di caminda 32 miyon di auto durante henter 1 aña of planta 3.800 miyon di mata y cultiva nan pa 10 aña. E obhetivo lo laga McDonald’s crece como negoshi sin aumenta nan emisionnan.

“Pa crea un futuro miho pa nos planeta, nos tur mester ta involucra. McDonald’s ta haciendo su parti di establece e obhetivo ambicioso aki pa reduci e emisionnan di gasnan di greenhouse pa enfrenta e desafio di e cambio climatico global”, Steve Easterbrook, presidente y CEO di McDonald’s, a bisa, kende a anuncia e plan den un video publica p’e compania. “Pa cumpli cu e obhetivo aki, nos lo entrega nos cuminda na un manera responsabel, nos lo promove e energia renobabel y nos lo uza esaki na un manera eficiente, nos lo reduci e desperdicio y nos lo aumenta e reciclahe.” Pa logra e meta aki, McDonald’s lo traha den su cadena di suministro, oficina y restaurantnan pa ta mas innovacion y eficiente mediante miho iluminacion LED, ekipo di cushina eficiente den energia, paketenan sostenibel, reciclahe di restaurantnan y door di eleva y sostene agricultura sostenibel. Den colaboracion cu miles di frankicia, proveedor y productornan, McDonald’s lo priorisa accionnan di segmentonan grandi di carbon: produccion di carni, uzo y abastecemento di energia den restaurantnan, desperdicio y pakete. E segmentonan combina ta representa aproximadamente 64% di e emisionnan global di McDonald’s.