Di cerca por a aprecia con ta prepara Bo “combo” faborito

ORANJESTAD, Aruba – 16 di maart 2016: Cu e accion aki McDonald’s no solamente ta bisa pero ta pone su palabranan den accion tambe, habriendo porta di cushina pa clientenan y prensa local por aprecia con nan ta prepara e sandwichnan y tur otro producto den nan restaurant di cuminda rapido. Poco restaurant tin e curashi pa tuma un accion asina, pero ta solamente ora bo ta sigur di bo esfuersonan pa ofrece un producto di calidad, e ta bira posibel.

McDonald’s ta duna oportunidad pa clientenan comprende di unda e cuminda ta bon y con e ta wordo prepara. E programa “Open Doors”, conoci caba den Latino America, a wordo lansa pa Arcos Dorados, cu ta frankisia di 20 restaurant di McDonald’s den America Latina y Caribe, pa trece un transparencia den e experencia ora di come na McDonald’s. Mas di un miyon di hende a haci e tour aki caba.

E programa “Open Doors” ta un iniciativa di Arcos Dorados cu ta permiti e cliente pa tuma un tour den e restaurantnan di McDonald’s. Pa solamente 30 minuut, bishitantenan por experencia con limpi e cushina ta y tambe con e proceso di e cuminda ta bay, nan por check e siguridad y calidad den caba etapa di e preparacion di e cuminda. E freezer, e deposito, e griller y e fryer ta algun stop durante e tour. “Transparencia ta trece confiansa y confiansa ta laga nos clientenan bin bek. Nos ta orguyoso di nos calidad y ta kere den nos producto. Nos ta invita tur hende pa bishita nos cushina pa asina experencia nos calidad”, asina Sulina Vrolijk, Operation Manager di McDonald’s Aruba, a bisa.

Den 2016 McDonald’s tin como meta pa alcansa mas di 5000 bishitante na Aruba. E programa ta habri pa tur hende. Pa participa, bishita McDonald’s situa na Palm Beach, Seroe Blanco of Santa Crus y inscribi pa e siguiente “Open Doors” tour, cu ta wordo duna diariamente.  Bo por conta di bo experencia riba Social Media door di uza e Hash Tag #OpenDoors of #Puertas Abiertas. Pa mas informacion tocante di McDonald’s por bishita http://www.mcdonaldsdwi.com of ‘Like’ nan pagina di Facebook McDonald’s Curacao & Aruba of por sigui nos riba e cuenta di Twitter – @McDonalds_CA. Arcos Dorados ta e doño di frankisia mas grandi di McDonald’s mundialmente, den termino di benta y cantidad di restaurant. E compania ta opera e cadena mas grandi di restaurantnan di servicio rapido (Quick Service Restaurant/QSR) di Latino America y Caribe. Nan tin e derecho exclusivo pa ta doño di, pa opera y concede frankisianan di restaurantnan McDonald’s na 20 pais y teritorio Latino Americano y Caribense, incluyendo Argentina, Aruba, Brazil, Chile, Colombia, Costa Rica, Corsou, Ecuador, French Guyana, Guadeloupe, Martinique, Mexico, Panama, Peru, Puerto Rico, St. Croix, St. Thomas, Trinidad & Tobago, Uruguay y Venezuela.

E compania ta opera of tin como frankisia 1,880 restaurant McDonald’s cu mas di 90 mil empleado sirbiendo aproximadamente 4,3 miyon di cliente pa dia. Arcos Dorados ta reconoci como un di e miho companianan pa traha p’e den Latino America. Pa mas informacion tocante di e compania, bishita e seccion di inversionista di e website: www.arcosdorados.com/ir.