Cu benta di su McKrioyo Sport

ORANJESTAD, Aruba – 22 di September 2016:  Recientemente McDonald’s a lansa su McKrioyo Sport

cual tin como  slogan “e sabor di e campeonnan”. Esaki ta un sandwich delicioso traha 100% cu pan local for di Bright Bakery, 2 pida carni, siboyo y keshi, tomati, lechuga y mayonaise. Cu e lansamento di e sandwich nobo aki McDonald’s a compromete su mes cu nos atletanan. Cu cada compra di e pan delicioso aki McDonald’s lo contribui cu e porcentahe di e benta na Comite Olimpico Arubano (COA).

McDonald’s como sponsor oficial di e weganan Olimpico y Comite Olimpico Arubano a compromete como compania pa promove e actividad deportivo y un bida activo. Pesey a bin cu e iniciativa aki pa  sostene COA y por a yuda nos deportistanan. Cu e benta di McKrioyo Sport®, McDonald’s a recauda e bunita suma di Afl. 5000,- cu a wordo entrega na Comite Olimpico Arubano. McDonalds ta reafirma cu lo sigui cu su compromiso di yuda nos comunidad.

Pa mas informacion of oferta, bo por subi nos website www.mcdonaldsdwi.com.pr of bira un fan di nos pagina di Facebook, McDonald’s Curacao & Aruba. Bishita McDonald’s y disfruta e sabor unico di McKrioyo Sport. “COA ta hopi agradecido cu e gesto aki y ta spera di sigui traha den futuro conhuntamente cu McDonald’s” segun Edwin Roos presidente di COA.

Arcos Dorados ta e doño di frankisia mas grandi di McDonald’s mundialmente, den termino di benta y cantidad di restaurant. E compania ta opera e cadena mas grandi di restaurantnan di servicio rapido (Quick Service Restaurant/QSR) di Latino America y Caribe. Nan tin e derecho exclusivo pa ta doño di, pa opera y concede frankisianan di restaurantnan McDonald’s na 20 pais y teritorio Latino Americano y Caribense, incluyendo Argentina, Aruba, Brazil, Chile, Colombia, Costa Rica, Corsou, Ecuador, French Guyana, Guadeloupe, Martinique, Mexico, Panama, Peru, Puerto Rico, St. Croix, St. Thomas, Trinidad & Tobago, Uruguay y Venezuela

E compania ta opera of tin como frankisia 1,880 restaurant McDonald’s cu mas di 95 mil empleado sirbiendo aproximadamente 4,3 miyon di cliente pa dia. Arcos Dorados, cu ta negocia riba New York Stock Exchange (NYSE: ARCO), ta reconoci como un di e miho companianan pa traha p’e den Latino America. Pa mas informacion tocante di e compania, bishita e seccion di inversionista di e website: www.arcosdorados.com/ir.