Riba e dia aki, McDonald’s Kòrsou lo hasi donashon di benta di Big Mac na Funditut i Ronald McDonald House Charities Curaçao.

WILLEMSTAD 17 NOVÉMBER 2020– McDonald’s Kòrsou ta klá pa e edishon di e kampaña “Great Day” 2020. Riba djasabra, 21 di novèmber tur fondo rekoudá dor di benta di e famoso Big Mac lo wòrdu duná na Funditut i Ronald McDonald House Charities Curaçao.

E evento aki ta reforsá e kompromiso di McDonald’s pa logra un impakto positivo den e kominudat lokal, dor di sostené inisiativanan ku ta duna mihó oportunidat na hóbenan pa ku nan futuro i yuda famíanan keda huntu na momentu ku mas mester.

E “Great Day” lo ta un dia kaminda tur nos restorantnan di McDonald’s Kòrsou lo risibí bishita di nos embahadora Germone De Lima. Un periodista i presentadó ku semper a sa di tei pa sostené i sali pa nos komunidat.

“Mi a disidí di forma parti di Great Day paso mi ta haña ta importante, komo un persona ku ta traha den media, ku e pueblo ta duna asina tantu apresio i amor, pa ami tambe duna un man den desaroyo di e pais aki. Ami ta un persona ku tin muchanan, personanan di menos rekurso, i personanan ku tin mas mester di ayudo, hopi na kurason. Si tin kualke fundashon ku ta aportá na desaroyo di nos pueblo, mi ta semper kla pa yuda. Paso durante di hopi aña den mi trabou i den mi bida hopi porta a habri pami, mi a haña hopi oportunidat anto ami ke duna bek pa otronan tambe por haña oportunidat pa biba atrobe felis i ku un bon bienestar. “ Germone De Lima, nos embahadora a ekspresá.

Tokante Fundidut

E meta di Funditut ta pa duna hóbenan un chèns di bira trahadónan kualifiká i duna nan derecho pa partisipá den nos sosiedat. Pa por logra esaki, Funditut ta ofresé aktividatnan di aprendisahe personalisá i praktikanan orientá individualmente na 15 hóben, asina nan por desaroyá nan talento i kompetensianan. Na final di e trayektoria nan lo atkerí e hèrmèn nesesario ku ta kondusí na oportunidat di empleo sustenibel.

Tokante Ronald McDonald House of Charities (RMHC)

Ronald McDonald House of Charities (RMHC) ta un organisashon independiente ku no ta drai riba ganashi i ku ta sirbi muchanan i nan famianan na Kòrsou for di april di aña 2012 atraves di Ronald McDonald Family Room. Esaki ta un di e tres programanan prinsipal ku RMHC ta ofresé. Orguyosamente e organisashon aki a sirbi mas ku 9500 famia te ku awor.

McDonald’s, RMHC Kòrsou, Funditut i Germone De Lima  ta invitá henter e pueblo di Kòrsou pa ban selebrá ‘Great Day’ dia 21 di novèmber bishitando drive thru di un di e restorantnan di  McDonald’s i disfrutá di un Big Mac pa solamente Naf7.90 mientras ta traha huntu pa alkansá e meta final.

Adishonalmente, Funditut i RMHC Curaçao tin voucher di Big Mac na benta di kual tur fondo rekoudá lo bai wòrdu duná na e fundashonnan aki. Por Kambia e vouchernan for di dia 21 di novèmeber, 2020 te ku dia 30 di novèmber, 2020. Tur persona ku ta interesá di kumpra voucher por tuma kontakto ku Funditut na 525-9102 òf RMHC Curaçao na 510-2999.

Ban yuda e bon kousa aki i kumpra bo Big Mac pa únikamente Naf 7.90!