Awor skohe e idioma di bo preferensia pa tur transakshon online riba bo telefon selular.

WILLEMSTAD- Maduro & Curiel’s Bank ta sigui traha pa inová i mehorá su produkto i servisionan. Resientemente Maduro & Curiel’s Bank eksitosamente a lansa e liña di produkto di seguro Bsure,  siman pasá Master Card Black Personal i e siman aki Bo Banko Amigu a anunsiá ku MCB Mobile app awor ta disponibel grátis na e idioma di bo preferensia. Download MCB Mobile app i hasi transakshonnan bankario na ingles, hulandes, papiamentu òf spañó. MCB Mobile app ta grátis riba App Store di Apple i for di yanüari 2014 riba Google Play tambe. MCB Mobile ta e vershon di Online Banking di MCB@Home i MCBDirect Business di Maduro & Curiel’s Bank pa telefon selular ku tin akseso na internèt (smartphones). Na momentu ku bo download MCB Mobile app, bo tin akseso na bo kuenta bankario 24 ora pa dia pa wak òf kontrolá bo saldo, hasi transferensia di un kuenta pa otro òf paga resibu. Alabes bo tin bista ‘real-time’ di tur pago òf depósito ku keda hasí riba bo kuenta. Bo por asta transferí sèn pa bo tarheta di krédito prepagá. Ku MCB Mobile app tur esaki ta posibel na e idioma di bo preferensia; sea ingles, hulandes, papiamentu òf spañó. MCB Mobile app ta traha riba tur iPhone, iPad, iPod Touch, Android i BlackBerry smartphone i ta kumpli ku e último eksigensianan di seguridat. E opshon di skohe bo propio idioma ta posibel via App Store di Apple i entrante yanüari 2014 tambe via Google Play. Pa hasié aun mas fasil pabo, por scan e kódigo QR i download MCB Mobile app mesora for di e avisonan di MCB Mobile app den korantnan lokal.. Maduro & Curiel’s Bank ta sigui traha riba inovashon pa hasi e eksperensia bankario di tur su klientenan aun mas plasentero. Pa mas informashon tokante MCB Mobile app por yama 466 1111 òf bishitá www.mcb-bank.com