WILLEMSTAD- Pa mas ku 20 aña kaba Maduro & Curiel’s Bank ta hasiendo un donashon na 5 organisashon sosial ku e montante ku a keda rekoudá na entrada di MCB Auto Festival. Tur organisashon ku a wòrdu skohé tambe ta selebrando nan aniversario meskos ku Bo Banko Amigu. E aña aki a toka turno na Komishon di Mayor Margaretha School (60 aña), Stichting Zorg en Hoop (30 aña), Fundashon Tennis di Mesa (60 aña), Casa Cuna Villa Maria (65 aña)  i Instituto Buena Bista (10 aña).

Olivia Barreto, di Departamento Personal Lending Services di Maduro & Curiel’s Bank a probechá di e okashon aki pa yama danki na tur diler di outo di CCDA, Fun Miles, Bofrei Agencies i koleganan ku yuda hasi MCB Auto Festival 2016 un evento éksitoso.

Ku e donashon hasí MCB ta sigur ku nan lo invertí esaki den desaroyo di edukashon, deporte i arte na Kòrsou.

Maduro & Curiel’s Bank i CCDA ta yama danki tambe na tur ku a bishitá MCB Auto Festival i ku a skohe MCB komo nan Banko Amigu.