WILLEMSTAD- Maduro & Curiel’s Bank e aña aki ta sigui aportá na desaroyo sosial di Kòrsou, hasiendo un donashon na sinku (5) organisashon sosial ku e montante ku a keda rekoudá na entrada di MCB su Outo Festival anual na WTC. E aña aki a toka turno na Folklóriko Ambiente Kultural, Opvang Sembrando Simia, Top Sport Performance Foundation, Iglesia Aliansa Evangélika i Fundashon Mi Kompaño.

Sr. Dangelo Stroop, gerente general di Departamento di Fiansa Personal i Hipotek di Maduro & Curiel’s Bank a probechá di e okashon aki pa yama danki na tur diler di outo i koleganan di Maduro & Curiel’s Bank ku a partisipá i yuda hasi MCB Auto Festival 2015 un éksito.

Bo Banko Amigu ta konvensí ku e donashon hasí na e sinku organisashonnan aki, lo yuda na un manera positivo na desaroyo di Kòrsou. Nos ta konvensí ku e donashon hasí na e organisashonnan aki ta un estímulo pa otronan tambe sigui ku e bon trabou.

Departamentu di Fiansa Personal i Hipotek di Maduro & Curiel’s Bank i tur e dilernan di outo ta yama danki na tur ku a bishitá MCB Auto Festival i ku a skohe MCB komo su Banko Amigu.