Mayan 21 di novèmber e barku di Sanikolas ta drenta haf di Kòrsou. Despues di hopi preparashon Fundashon Pa Nos Muchanan ta kla pa risibí e hòmber santu ku ta bin Kòrsou pa trese momentunan di alegria pa nos muchanan. E programa ta kuminsá for di 9or di mainta riba Plasa Brion. Aki e hobensitá Sophia Torres, ganadó di Curastars Streá chikí pa loke ta kanto, lo kanta himno di Kòrsou. Pa despues e pre show sigui ku D’art PM i kantante nan di e CD di Strea chikí pa Sanikolas ku lo kanta kantikanan nobo di Sanikolas huntu e grupo di baile Explotion dancers. Pa 9.15 Sanikolas lo baha na Mattheywerf pa aki e subi su kabai, pa den un parada ku hopi sorpresa, bai direkshon di Plasa Brion. For di ora Sanikolas i su pietnan subi plasa Brion lo tin un dushi show pa grandi i chikí gosa di dje. Pa 11or Sanikolas i su pietnan lo yama ayó i den un parada lo krusa brùg, pasa den Breedestraat Punda pa na altura di De Tempel drenta e diferente vehíkulonan. E siguiente stòp lo ta 12.45 na KFC Sta. Maria. Aki atrobe tur mucha por gosa ku e pietnan òf nan por saka potrèt ku Sanikolas. Pa 3or Sanikolas lo ta na Parke Tropikal, kaminda lo tin otro fiesta kombiná ku dushi weganan pa nos muchanan por tin un atardi hopi dushi. E último presentashon pa e dia ei lo ta 16.30 na Sentro komersial Sambil. Akí tambe lo bai tin un show kompletu di Sanikolas, kombiná ku kanto i baile di ganadó nan di Curastars 2015. Na tur e sitionan ku Sanikolas ta bishitá un i tur ta bonbiní i tur entrada ta kompletamente gratis, danki na e kantidat di spònsernan ku a yuda pa hasi e fiesta akí posibel. E aña aki un biaha mas MCB i Lito, Hucor ku su restorantnan KFC, Subway i Pizza Hut, Tele Curacao nos planta nashonal i CPA/KTK pa un yegada safe, Refeneria Isla, huntu ku Sentro komersial Sambil, Curoil, BAB, Kusters i Selikor i tambe Auto City, Ennia, PSB bank, Fundashon Lus i speransa, Lovers, WTC, Fraal Import & Export, The Trader, Hotel Howard Johnson, Sedreko, FDDk, PWC, Marchena Hardware,Mangusa, Dani’s Fruit & grocery, Lucky Cosmetic , Building Depot i Kuerpo polisial. Sin nan koperashon e fiesta grandi aki lo no ta posibel. Despues di e show di Sanikolas i Piet riba Plasa Brion, e banda i hóben Twins lo sigui entretené tur esnan presente. Pa loke ta e karavana ku lo kompaña Sanikolas, e aña aki lo tin tin presensia di masha hopi miembro di Royal B’tle Club ku lo kere henter e ruta ku e diferente Pietnan. Pues nos ke invitá pueblo di Kòrsou kompleto pa nan bishitá un di di sitio nan kaminda Sanikolas lo ta riba e promé dia di su bishita na Kòrsou.