FOR DI KORSOU, ARUBA I HULANDA LO TIN

Willemstad – Djasabra 8 di ougùstùs awor den WTC su Exhibition Hall lo tin mas ku 70 kantante, artista i musiko di Korsou, Aruba i Hulanda, presentando huntu ku Shamiro Anita riba esenario durante di su Gran Konsierto “Kalma E Tormenta”.

E Gran Konsierto aki lo ta un kombinashon di shownan espektakular pa henter famia, grandi, hoben i chiki por disfrutá di dj’e. Lo tin kanto ku musika i ritmo varia kombina ku bunita ekspreshonnan di arte den forma di tremendo “Glow Laser Fingers Show”, Sky Dancing, Baile, Stilt Walking, Drama, Light & Fire Show i hopi sorpresa mas.

Tur esnan presente lo disfruta di 3 ora di show ku hamas nan lo lubida. Lo kuminsa 7.30 pm net ku un tremendo sorpresa i lo dura te 10.30 pm “non stop”. E evenementu aki lo ta un goso I motivashon pa henter famia. Foral nos muchanan i hobennan lo eksperensia un tremendo Konsierto & Show ku krea speransa i pas, dunando nan animo nan net prome ku skol kuminsa.

Fuero di un Live Band lo tin Kor Exelent Choir i gruponan di baile i arte, esta Adonai, A El Arte i Excel Arts Academy. Komo artistanan invita di Korsou lo tei Liesela Thomas i Chantal Huybregts. For di Aruba tambe lo tei Eltienne Yazagaray i Derwin Kemp, mientras ku direktamente for di Hulanda lo tei Josh Matos.

Karchinan ta bayendo lihe i ta obtenibel na Mensing, Tik Tak, Koko Loko, Beep Beep, Kas di Beibel, Kindom Experience i via tel: +5999 5622233. Preis di karchi ta solamente fl.35,– .

Shamiro ta invita pueblo pa bin gosa selebrando su di 5 aniversario i gradisi Dios den e konsierto & show aki pa tur e tormentanan ku e la kalma i lo bai sigui kalma den nos bida, paso Dios su amor por Move tur Montaña. Riba su Website : www.shamiromusic.com haña informashon i sigui Shamiro su último desaroyonan musikal. Un danki ta bai di parti di Shamiro na tur su sponsernan I tambe tur ku ta sosten’e i yud’e.