Willemstad, Djasabra awor lo tin e di dos Oudishon di Luna Yen den e bario di Tera Kora. Luna Yen ta un kompetensia kaminda hóbennan por demonstrá nan talento den diferente disipliná artístiko. Huntu ku Luna Yen lo tin Teater te den bo bario kaminda muchanan i hóbennan por haña tayer durante un siman largu pa na final di e siman nan presentá loke ku nan a siña. Dos siman pasa e tim di Luna Yen tabata den e bario di Montaña, e siman aki a toka turno na e bario di Tera Kòra. Djaluna a kuminsa ku tayernan di baile,aktuashon i kanto na e sentro di bario Tera Kòra, mucha i hóbenan ta den preparashon pa por duna un tremendo presentashon fin di siman aki. Djasabra 5 sèptèmber 5or di atardi lo bai tin presentashon i alabes oudishon di Luna Yen. Presentashon lo tuma luga na sentro di bario Tera Kòra i entrada ta solamente Fl 5,-. Tera Kòra i bisendario bin sostene i apoyá e futuro artista nan aki. Un danki na esnan ku ta kere fielmente den e proyektonan aki kual ta Banko di Caribe, Refineria Isla, Gobièrnu di Kòrsou, Teatro Luna Blou i La Tentashon. Si bo tambe ke forma parti i kontribuí ku proyektonan edukativo pa nos muchanan/hóbennan. Por tuma kontakto ku Teatro Luna Blou. Pa mas informashon tokante skema di bario i tayernan i oudishonnan bishita nos página web : www.lunablou.com òf nos facebook page: Teatro Luna Blou. Tambe por yama Teatro Luna Blou na 462-2209.