E siman aki Marsha Presentacion a kumpli 35 aña di servisio komo empleado na e kompania Vanddis. Gerensia di Vanddis a duna awe mainta rekonosementu i a gradisí sr. Presentacion pa e labor ehersé durante e 35 añanan komo empleado di Vanddis. Sr. Presentacion a kuminsá den añanan ’70 komo “voorman” na e filial di Vanddis na Rio Canario. Aktualmente e ta laborando na e filial di Vanddis na Brievengat. Gerensia di Vanddis a gradisí  sr. Presentacion tambe pa su loyalidat, dedikashon i perseveransha durante tur e añanan di trabou den e kompania. Riba e foto por opservá di robes pa drechi; Direktora sra. Cicely van der Dijs, Shop Stuart – Vakbond CFW sr. Ortiz Palm, Presidente sr. Papito van der Dijs, sr. Marshal Presentacion i sub-direktor sr. Rudolf Doran.