WILLEMSTAD- Aprel 2015- Djarason 22 di Aprel próksimo mundu kompletu ta selebrá Dia di Sekretaria, na Kòrsou esaki no ta un eksepshon. Un dia dediká na sekretarianan, asistentenan atministrativo i resepshonistanan. Curaçao Marriott Beach Resort & Emerald Casino tambe ta klá pa brinda tur esnan ku ta tene e ofisina organisá, un selebrashon di kita sombré. Tur kompania ta keda invitá pa selebrá e dia aki huntu ku nan sekretaria(nan) formando parti di un atardi plasentero yená ku aktividat den Marriott su Queens Ballroom kuminsando for di 12’or di mèrdia. E atardi ta inkluí un delisioso bufèt ku lo ofresé un variedat grandi di delisianan kulinario. Ademas di esaki, tur ku forma parti di e selebrashon por disfrutá di open ‘soft drink’ bar (ekskluyendo bebidanan alkohóliko) durante henter e evento. Tambe lo tin entretenimentu bibu, posibilidat pa gana diferente premio i un tremendo ‘fashion show’ pa tur esnan ku ta amante di moda. Entrada ta solamente $35 pa persona ekskluyendo 9% di impuesto i 15% di gratifikashon. Skedjùl e agènda entre 12’or di mèrdia i 3’or di atardi- ta momentu pa selebrá e trabounan di e profeshonal atministrativo. Ta importante pa hasi un reservashon, kuponan ta limitá. Curaçao Marriott Beach Resort & Emerald Casino semper ta pone un toke spesial na bo selebrashon, Dia di Sekretaria selebr’é estilo di Curaçao Marriott. Hasi reservashon yamando 433-7731. Pa mas informashon por bishitá e página di Facebook. https://www.facebook.com/CuracaoMarriott