Despues di basta luna sin a tende nada di Marchena Braves, ayera nochi den un ambiente great aya na Blue Bay Resort e General Manager di Marchena Braves Sr. Jedrek Magdalena a presenta
nan Manager nobo kual ta Richard “Chado” Obispo. Sigur un persona konosi den e mundu di beisbol i ku un bon nomber I trajektoria den e liga Hubenil kaminda ela profila komo manager di
selekshon di Korsou varios bia hibando nos pais te na World Series den 2016.

Despues a presenta varios hungado nobo ku e GM a firma pa asina hasi e team di Marchena Braves mas kompletu. Un sorpresa Sigur pa varios persona den e mundu di beisbol lokal mirando nomber nan di pari hungado di basta taya Entre nan: Nahim Attaf, Risandro Pastor, Reylison Liberia, Ruwensly Bonifacio, Mirangelo Muller, Roshendrik Alexander i Shaquille Serberie. Tambe tin hungado nan ku ja kaba a forma parti di e ekipo di Braves ku a disidi na extende nan contract entre otro Quincey van Blarcum i Frank Moron.

Ku e moveshon nan aki Sigur e GM Sr. Jedrek Magdalena a habri basta wowo di e mundu di beisbol, formando un team jong i ku hopi potenshal. Den su mes palabra nan “Nos tin un bon team, jong ku speed I dinamiko pero ahinda nos tin basta kos pa traha riba dje pero tene kidou ku nos ora nos kaba di hası par di moveshon mas i kaba di akopla huntu komo un famia”. Ela termina e anochi gradisiendo Blue Bay Resort I tambe Lovers pa a hasi e anochi posibel.